洛神花山渣玫瑰茶易煲好味又减肥

洛神花山渣玫瑰茶易煲好味又减肥

上次我煲过洛神花苹果粟米茶，小小猪都几钟意饮。嚟紧中秋节都应该会食好多月饼，所以我都嚟个开胃凉茶升级版，用洛神花加上山渣同埋玫瑰，等两位老细可以开胃又消滞啦~

洛神花都好味又有富营养，有助生津润肺、除烦、开胃、醒酒嘅功效。而且仲可以更有抗衰老，润肤美颜，降血脂，降胆固醇作用。

山楂有助健脾开胃、消食化滞、活血化痰。对肉积痰饮、痞满吞酸、泻痢肠风、腰痛疝气、产后儿枕痛、恶露不尽、小儿乳食停滞等，均有疗效。

玫瑰花有疏肝理气作用，可改善情绪不好、失眠等问题，除左可以改善情绪问题之外，亦可以调理肠胃功能。 (网上资料)

洛神花干10克、山渣10克、玫瑰茶5克及冰糖适量~

洛神花、山渣及玫瑰茶浸洗一阵~

煲内放约1.5L水，然后随水加入所有材料(冰糖除外)~

用大火加盖煲约10分钟~

然后转慢火加盖煲多20分钟~

最后加入适量冰糖，再煲多5分钟~

熄火后再焗多10分钟，之后就要即刻夹起啲材料，因为山渣浸得耐，个茶就会变得劲酸呀~

待凉后入樽，放入雪柜就饮得啦~

加左山渣个酸味系比较重，不过都唔难入口，味道带点酸酸甜甜，小小猪都赞好饮~

不过依个凉茶小小猪都只系饮少少，依个除左可以开胃消滞之外，亦都好适合减肥，所以…..依一支煲好有600ML嘅凉茶俾我饮晒啦！

温馨提示：– 由于个别人仕体质不同，所以大家记得煲之前了解下自己，如有疑问，请先向注册中医查询！

– 洛神花及山楂都有活血袪瘀作用，所以孕妇及来经女仕就唔可以饮依个凉茶啦！

知闻网