滋润夏日甜品 红枣杞子圆肉鲜奶炖桃胶
呢排既天气又热又焗，真系会令人胃口大减。除左煲多啲清润既汤水之后，其实都可以煲下汤水，都系一个几唔错既选择呀。
小JM妈就整左一款既滋润又养生既糖水，仲岩晒一家大细食添架。据说功效可以媲美贵价既燕窝、花胶，但价钱就极亲民，所以又有「平民燕窝」之称。你又知唔知系咩呢？就系 「桃胶」啦！
今次小JM就用桃胶整左 － 红枣杞子圆肉鲜奶炖桃胶！
咩系桃胶呀？
桃胶顾名思义即是桃树既产物！桃胶系由桃树天然分泌出来既一种浅黄色透明既树脂液
而当桃树所流出既树脂液当遇到空气就会凝结成为硬身既晶体，就成为左我地食用既桃胶啦。
桃胶，可以话系近年兴起既一种天然食材，因为价钱平功效佳，所以有「平民燕窝」之称添。
桃胶既好处
原来桃胶除左坊间所讲滋润养生外，中医师亦指出桃胶亦有助补充水份、润燥，
而且对润肠、通便甚有帮助。
桃胶适合大部分体质既人仕食用，一星期食一至两次已经好够架啦。
今次买左一大樽桃胶返来，可以得闲就慢慢整来食
想几时食就预早一晚浸定就得。
桃胶点样清洗浸发？
桃胶一般需要浸发大约十至十二小时，以令桃胶发大及变软身。
因桃胶亦会含有杂质，所以必须经多次浸发、过水，及除去黏系表面既杂质即可。
因为桃胶经浸发之后会胀大，所以千万唔好一次过发太多，以免造成浪费喔！
大约一至两汤匙已经好够架啦。
取出桃胶之后，就要将桃胶放于水中浸泡约十至十二小时。即系话隔一个晚上就okay啦！
第二朝就可以拎出来再清洗，将夹杂住系桃胶既杂质除去备用就可以了。
红枣杞子圆肉鲜奶炖桃胶
材料：
桃胶 适量（要记得预先发好喔！）大红枣 六粒杞子 适量圆肉 适量鲜奶 一盒
做法：
1.） 将 红枣、杞子、圆肉洗净，红枣剪开除去核，备用
2.） 将鲜奶倒入大碗中
3.）将预先发好既桃胶加入至鲜奶中
4.） 取适量已洗净切好既红枣、杞子、圆肉加至碗中
5.）以锡纸包好汤碗，并将汤碗置放于水中炖20－30分钟。
6.）完成后可按个人喜好加入冰糖，即可。
夏天天气咁热，唔想食热既糖水亦可以将糖水雪冻先食，一样都系咁美味。
因为小JM都有份食，所以妈妈我并无加冰糖。但因为红枣、圆肉都带甜，所以味道一样唔错喔！
制法简单容易，大家都不妨一试呀！实行过一个健康有益又甜丝丝既Summer！
留言
張貼留言